Occa agiili nẽ eteheedu Dĩdĩnga jurrung?
Ũkũmanit ꞌgẽẽnyĩth cunuung ꞌbuuhaa cĩ Dĩdĩnga ĩcĩ nyammacaarwaanu nẽ ĩdĩmattu dtiicanĩ cĩg adukia.
Eheeddi ꞌbuuhi ciee hĩnĩngĩtĩ eet cĩg Dĩdĩnga ꞌcĩg itigiillio Ingilitheeyyi hatĩ hilliman ĩhõõggõ ꞌgõõl ꞌcĩ agiilenĩ nẽ eteheeddio thõõthaa cĩnĩĩng ẽmẽn. Ẽddẽẽba hatĩ ꞌgõõl ꞌcĩ eheedini thõõth cĩ Dĩdĩnga nẽ eeluung ngagiit itigillio nẽ eteheeddiou Dĩdĩngaayyi. Ma iita agayyu thõõth cĩ aaĩ ꞌbuuhaa cĩ nyamacaarwaanu ho jurrung, ma hitieelli ngaatĩ agiillu ꞌbuuk cĩ Dĩdĩnga ꞌcĩ aũlanĩ ꞌcĩ tarĩ aaĩ wẽbsaita ĩĩcĩ.
Accamattoothĩk ngaatĩ agiillu thõõth cĩ Dĩdĩnga.
Má adiimmu niig abbuuhannu thooꞌthiok iccig, elemtu niig autheet ꞌcĩ baa eheeddianĩ thooꞌthioha cieeg ko. Jineet ngagĩĩta, hatĩ adiimi ĩĩnĩ piriin ꞌbuuhẽt iccig dticanõõĩ ꞌthukuulaa cunni, hĩꞌthõõwakii hatĩ naag vaĩl.
