Iita niig vẽlẽk ĩthĩhĩt thõõth ꞌcĩ aũlan cĩ Dĩdĩnga!
Occa adticaniini ẽẽtĩ ꞌbuuk icci hillimanĩ ẽlẽ cĩnnĩ ẽmmẽn. Occa agiili ꞌlimman hõdẽĩ hõdẽĩ nẽ ĩdĩmanuu thooꞌthiok ꞌcĩg anũ ꞌlimman icci hataman. Eelli hatĩ dtiici ciee nganiit gaa ꞌlimman icci. Aattĩg taccani cĩg thooꞌthiok iccig vẽlẽk bahuucaa ĩcĩ ꞌbuuho. Ma ẽdẽcaahu dtiic umwa, ĩcĩnĩt hĩdĩĩkoothong hatĩ agayyu taccani cĩggĩĩng. Hĩnĩngĩtĩ thooꞌthioha ꞌcĩg hõllõngaa ẽbẽaneeku niiga, ĩcĩnĩt taccani cĩnĩĩng hõdẽĩ hõdẽĩ. Ĩjinit Dĩdĩnga ũgĩ hatĩ adiimmu eliinit.
Má adiimmu niig abbuuhannu thooꞌthiok iccig, elemtu niig autheet ꞌcĩ baa eheeddianĩ thooꞌthioha cieeg ko. Jineet ngagĩĩta, hatĩ adiimi ĩĩnĩ piriin ꞌbuuhẽt iccig dticanõõĩ ꞌthukuulaa cunni, hĩꞌthõõwakii hatĩ naag vaĩl.
